迷你杏仁餅- 簡易食譜

可做19隻. 焗完 9g-10g 重.

綠豆粉   100g

太古糖霜 45g

水 10g

固體菜油     38g

藍鑽杏仁碎 15g (預先低溫烘香, 或白鑊炒香, 焗後才會脆)

做法:

1.糖霜(過篩) + 水 + 固體菜油 拌勻.

2.篩入綠豆粉 用膠刮拌勻. 初時似好散沙.

要將膠刮傾側 ,慢慢撥開油. 讓油吸入粉呈幼沙狀.

3.將粉填入模內,輕手按實, 輕敲出來.

(太鬆一敲易散,焗出來的餅(面),會食到滿咀粉,
 
輪廓唔靚,我還是喜歡按得貼實些少, 唔係出C力按喎,

太實個餅又會好硬.)   

所以,做的時候要感覺按餅的力度,就會做出合心意的餅.

4. 預熱焗爐, 150度 中層焗10分鐘, 餅只變了些微色.

(不是金黃色呀)

5.降至130度再焗10分鐘. 最後把餅放到下層 多焗2分鐘.

  我試過用150度,放下層 7-8 分鐘,傳出陣陣味,

   原來個底已經開始微焦了.

  大家最好先焗兩隻測試爐溫 和自己手勢的力度呀!