吳太今晚食咩餸-附加蕃茄薯仔魚湯食譜

由吳太廚藝室於 2014-05-08 23:42:30 發表 | 累積瀏覽 1328

分類：

呵呵!味味都係家傅戶曉的餸.

有家鄉蒸咸雞.

煎馬友,

蒜茸青炒菜芯

魚肉煮青瓜

仲有經常愛飲的蕃茄薯仔紅衫魚湯.

呢個湯從我兒時飲到大.....飲到老都唔厭呀!

同大家分享烹調樂

呢一餐,我最開心就係剪雞的一刻.

每次我都愛把雞擺成雞形,甚至看似在飛舞....

傻傻的我竟然扮起雞來,展翅飛呀飛!

這才可以畫上完美的句號!

食譜:

紅衫魚2條約半斤

2個大蕃茄約380g

薯仔2個中型size

洋蔥1個

薑3片,蔥段少少

調味料:

鹽3/4茶匙,

胡椒粉少少(唔喜愛可以唔落)

做法:

1.魚去鱗洗乾淨,索乾水,用1/2茶匙幼鹽醃15分鐘.

煎之前將魚內外再索乾水,撲少少粟粉.

2.蕃茄去蒂洗淨切角,薯仔,洋蔥去皮切角.

3.水約2000ml 滾後,加薯仔洋蔥煲25分鐘 .

加入蕃茄煲10分鐘.

4.燒熱鑊,下1/2湯匙油 ,放入魚煎至金黃.

反轉煎另一面時加入薑,蔥段,將魚另一邊煎至金黃 .

5.薯仔湯水內取兩碗熱水, 加到金黃的魚上煮5分鐘.

6.小心將魚湯倒入原先的薯仔湯料內,收細火再煲25分鐘.

加調味料,灑上蔥粒即成.

溫馨提示:

1.魚要煎過,湯才會呈奶白.魚煲完湯比較完整.

2.小心把魚放上湯水上面,不要用湯勺不停攪拌,

以免把魚攪到支離破碎,冇啖好飲.

3.魚鰓兩側的魚鰭剪去,整條魚會煎得更好完美.

4.薯仔發了芽最好唔好食嘞!因為會有毒素.

食左可能會肚子痛

鐘意SeeWide的分享，給我們一個Like吧！

檢舉

攻略日期：N/A

攻略地點：N/A
攻略時間：N/A

是次消費：N/A

共1人比"掂"

琛寧於2014-05-09 00:54:10 留言
嘩，個魚湯好吸引呀，真係好想飲番碗，近排太多飯局，放假已很少煲湯煮飯了，真係好想食番餐主家飯
舉報回覆
No.1

林公子於2014-05-09 01:05:55 留言
好豐富
舉報回覆
No.2

秋之風景寫真站於2014-05-09 01:47:19 留言
唔剩只個蕃茄薯仔加魚湯, 其他餸雖然睇落好簡單, 但是好好食ge餸菜
不過呢蕃茄薯仔加魚湯比較少人整
舉報回覆
No.3

1874飛飛於2014-05-09 09:17:14 留言
引用自 '吳太廚藝室' 的相片：
回覆：紅衫魚經典! 好味
舉報回覆
No.4

K小姐於2014-05-09 10:36:52 留言
分享下整雞嘅小TIPS丫~~
舉報回覆
No.5

吳太廚藝室於2014-05-09 14:35:11 留言
原文由琛寧於 2014-05-09 00:54:10 發表
嘩，個魚湯好吸引呀，真係好想飲番碗，近排太多飯局，放假已很少煲湯煮飯了，真係好想食番餐主家飯

哈哈...朋友多,飯局難免啦.
呢個湯都真係好易煲,懶起來魚都唔煎,都鮮甜.
不過,湯水就唔會奶白色lu.
舉報回覆
No.6