今晚好開心,終於想出一個方法比幾年前做得更好.
食譜同幾年前差不多,
只係改小小做法咋
效果真係好好多,組織細密,最緊要出爐唔回縮.
?點解自己咁豬仔,整左兩晚先至醒過來.
同大家分享我的小小心得:
1.先要把蛋黃打杰身.
2.分3次加入鮮奶.
每次都要打勻至鬆發狀態.
打發好的蛋黃漿係呈糊狀.唔係水汪汪.
以前做法係把蛋黃打杰身,加奶拌勻就可以了.
我發覺如果蛋黃打得唔夠鬆,未杰身.
加奶拌勻後,會比較稀,漿唔夠浮身.
再篩入粉拌勻,同蛋白混合,好易下沉.
拼命拌蛋白便消泡了.蛋漿未入爐都失去彈性.
焗出來的蛋糕自會好快收腰,或是回縮![]()
.
一連兩晚用1隻大雞蛋,做兩隻迷你紙包蛋糕.
將份量加大倍,可以做4隻迷你紙包蛋糕.
或3隻正常Size好似街買回來的.
份量如下:
蛋白33g加1/8他他粉,10g糖打至挺身.
蛋黃20g加2g糖打至米黃色杰身,分3次加15g鮮奶開機快速拌勻
篩入低筋粉13g,粟粉3g,奶粉3g,吉士粉3g拌勻至冇粉粒
先加1/4打起的蛋白拌勻,再倒在蛋白上,同餘下的蛋白拌勻.
最後加油拌勻
下圖係未加油的狀態
圖中加入6g菜油.如果喜歡牛油都可以,更香少少.
(牛油要用熱水坐溶)
我試左只加5g油都好鬆軟
留意個漿,好有彈性
加油拌勻後,蛋漿呈絲帶狀![]()
170度焗5分鐘,降溫150-160度焗15分鐘.
溫馨提示:
焗時加入1-2湯匙熱水,
以免蛋糕底部焗焦,而且更易撕開!
如何摺紙包蛋糕的模
先將正方形牛油紙剪去四隻角.
我刻意畫左4個三角形,留意中央有個圓圈.
![]()
將紙放上模上,就容易摺好多嘞!
將4 個三角形斜線部份對摺.如下圖.
圓圈位置冇須摺,要留小小空位.
摺完嘞....幾易放入杯模內!
2013蛋糕之作
吳太你係得既
多謝你嘅分享！
