手捲芒果玫瑰花-圖片（１）

買左個芒果回家,當時覺得佢未夠成熟,今日熟到生根!

好彩都捲得到,係咪好有韻味呢,夠動人嗎?

 

我用了兩個方法起芒果肉,今日講住１個先!下星期再同大家分享另一個.

1.先起半個皮.

2.用小刀仔沿住芒果形狀，片出一條條果肉．近花瓣部份稍薄些少！

３ａ．可用小刀幫助如上圖．

３ｂ．捲起的花芯豎起來．

小小心得：原來有底面之分架．

ＣＵＴ出的芒果條，近（皮）的肉放向下，近心向上．先用紙索去果汁．

第一圈要捲密ｄ．即是我用刀仔剷起再捲個花芯，係比較密架！

當花瓣捲曲向外時，個花芯會靚ｄ．唔會散左或得個孔！

 

４．輕手捲曲花瓣向外，即時生動起來！

５．再捲出你心中的花朵，太ＹＯＵＮＧ　太ＯＬＤ都唔合我心意！

 

６．先從後向前．在中間收口，緊貼花芯．

再將花瓣輕手反出向外．

７左邊已經加了一條．

８．右邊再１條．可以ＣＵＴ成個咀唇形狀．

９．如用手困難拎起，就用刀仔挑起，再緊貼花朵．

１０．哈哈！完成了！美艷動人嗎？

睇！又１朵．．．．捲到唔停手！

呢朵係用另一個方法起肉，一樣咁掂呀！

　　　嘩！我捲出３朵金玫瑰花呀！

　　　就送給喜歡香芒玫瑰花的你！