是你嗎?-古法馬拉糕 (附加食譜)

我好心急呀!撕開睇吓底/面有冇大氣孔先....哈哈,終於都有嘞!

是你嗎?

你可知我苦候了你有多久??!!! 多少次被你氣到一頭煙 !

吳太在此多謝網友們給予我的鼓勵,指導過我的人,多謝Ikki提供的心得!

      

      

一生一世都唔會忘記 - 牛牛替我搓揉(麵種+糖)的一幕, 搓到Ma 聲四起.....

出盡九牛二虎之力都冇能力搓得掂.......我一於當佢對我唱情歌!

原因就係我整左舊錯體麵種比牛牛嘆!

好似橡膠咁,真係大隻老都冇本事搓得溶啦!仲要加糖喎.....點頂.!

最後,牛牛搓到服晒! 我扮晒溫柔..用.高8度的語氣!

我....我知你搓得好辛苦....等我來啦!

結果,搓到我氣咳.,..勉強拎去蒸.....垃圾桶又食到嘔!

多謝大家睇完我的馬拉糕心路歷程!

 

現送上食譜給大家**參考**  5吋圓形1個 約重半磅

1.  麵種 65g  (剪開4-5份) 

1大舊好易(橋)實部機架

好!等我試比大家睇吓

,係咪怕怕呢!

2.  麵粉 20g  (過篩)

3.  吉士(獅嘜)5g  custard powder

4.  奶粉   5g

5. 大蛋 1隻  (58g)

6.  蔗糖   33g

7.  紅糖   33g     *糖可加10%,即是每樣加3-4g.共73g因為牛牛怕甜!我唔敢落太多.*

8 . 淡奶   20g

9.  發粉   4g

10.梳打粉 1.5g

11. 菜油    20g

做法:

我將1-10 放入較深的量杯, 高速打大約5分鐘,最緊要打溶d糖,以免沉底.

加入油再打多3分鐘,打至杰身 (可寫8字,不過係好快消失左)!

*每款品牌速度都有分別,可能有些需要時間更長.注意部機的功能*

*是否要稍作休息.*

我係用這款量杯,唔會太嘈,不銹鋼會好嘈架!

做完晒嘞,大家可以睇見個高度嗎?

 

笑談麵種,只係個人心得!可能有不足處,大家可以再參考其他書籍!

餘下麵種可放入冰箱,可以保存一個月,要用取出解凍就ok,好方便!

麵種的做法:

1.  10g溫水 +1/4茶匙乾依士 + 1/8茶匙白砂糖拌勻.

(靜止2分鐘,再輕手拌拌,睇見好多氣泡,即係依士未過期!)

2.  加入20g低筋粉(過篩),搓勻即可,冇須起筋.

3.  蓋上保鮮紙,大約2小時,麵團發大,撕開見好多細小的氣孔!

****完成第一次發酵*****

因有好多網友不太清楚呢個程序...吳太表達力不足

今日,我再加入一些圖片,係咪好d呀!

第二步驟:

4. ( A )將已經發酵好的麵團放入器皿,再加入50g水和1/8茶匙乾依士,糖1/8茶匙,

我用(匙更)稍拌勻. 只拌水糖依士,麵團唔攪住.*我找到呢張圖比大家睇吓*

 

4.(B) 嘻嘻!原來我都幾懶.....就咁樣篩90g麵粉入去.

這個角度大家可能睇得唔太清楚,其實成盤嘢在下面架.

4.(C).看!我除手用呢個湯匙攪成1舊,2破舊.然後再搓成球狀.冇須起筋.

我只放在掌心做幾吓....好似握實再放鬆的動作!

蓋上保鮮紙,大約靜止8小時.

你會發覺比原先大多2 -3倍,撕開成網狀,好黏手!

***********************************************************************

下圖呢個係發了2小時的麵團,睇見好多細孔嗎?好可愛!

可惜我找不到這麵團再發8小的麵種貓樣,可能我刪除了!

 

 

看我如何靜止1小時,係咪好誇張呢!

麵糊旁邊放入2碗滾水,小心蓋上鑊蓋! 半小時更換水一次!

*我覺得有助升發,好似整麵包第2次發酵等佢鬆弛一吓!

我試過用熱水在下面,糕糊在上,但個底變左半熟,怕怕!

所以我先諗左呢個方法lor!

嘻嘻!好似好麻煩咁樣,就室溫靜止1 小時後,再小心倒入模,*舖上牛油紙,

大火蒸25-30分鐘.都ok喎!

*超市果隻唔使掃油,就貴好多! 其他好多都要掃油架! 平嘛!

呵呵!脹卜卜....熱騰騰!

有冇流口水呢!

 

後記:

我好怕梳打陣味,試過只落1g梳打,效果都好好,連丁多梳打味都食唔出.