咀仔形白朱古力玫瑰花-已加入製作步驟

 

我ZZZZZZ...甜睡之後,就將製作STEP打出來!

材料:

(1.).100g   白朱古力(圓形粒狀)

(2) 30g      粟膠

(3) 7g        砂糖

(4) 8g         水

(5)食用色素 1 滴(可以唔用) 就係白玫瑰

點樣將以上材料混合,我己post過,而家唔打喇

煩請網友click 入去睇啦!

手造玫瑰花的製作方法,真係好易做!

首先我將個咀仔形粉紅色玫瑰來個大解剖!

1.將朱古力膠搓軟身,取小小搓形花芯.(如上圖)

2.再取一小小泥膠,滾圓後在掌心或牛油紙上壓薄成一個圓形(花瓣邊的樣子稍薄)

,包住花芯! 嘩!真係好似香港小姐披上件袍的樣子,幾雍容華貴!

左右的花芯形狀不同,任你喜愛!

3.重覆步驟2.後面包一花瓣,前面又包一花瓣.要將花瓣微微向外反.增添

美感!(花瓣可以做得更薄,我怕網友睇得唔清楚,所以整得比軟厚)

4.左側一花瓣(注意個位置喎)再用呢塊包住右側就初步完成!

5.睇吓!幾容易,整好一朵花喇!不過,我仲想佢靚D喎!

 

靚到好似櫻桃小咀,想Kiss自己個 honey咁樣.....

又或者享受被honey輕輕一吻的感覺....真心一吻!哈哈!多浪漫呢!

(我真係好想抓緊,甚至想捉住果一分一秒!)

就要做多少功夫lor,係咪好心急想知道呢?

只要用姆指和食指輕輕將最外的花瓣邊掐埋,尖尖的.花兒就生動好多!

睇吓!係咪好想kiss 佢呢!

**因天氣炎熱,呢d朱古力膠要隔一晚至得!

如果天氣冷,室溫4-6個鐘都可以.