真係邪~今日又到我生飛滋添...可能天氣太熱,個人上晒火不如煲個清熱糖水啦
用有益既柿餅、加上清熱馬蹄同潤心肺鮮百合，呢個糖水冷熱都咁好味道
柿餅為植物柿之乾燥果實 , 經加工製成餅狀 , 外表之白色粉霜 。 主治 : 咽喉痛 , 咳嗽 , 口舌生瘡 。 功用 : 潤心肺 , 消痰 , 止渴 。 鑑別 : 以色白 , 味甜 , 無雜質 / 霉蛀為佳 。
柿餅性質平和,能潤肺理氣,可作口果食物,或煮糖水均可,柿餅上那層薄薄糖霜,更是喉痛咽乾和口腔炎的特效藥,可謂中國食療一絕。
材料包括 : 柿餅2-3個 / 馬蹄1斤 / 生熟薏米約1錢 / 鮮百合1包 / 薑2-3片 / 冰糖
1) 馬蹄洗淨去外皮後切成小粒，再用清水浸泡，避免發黑。鮮百合洗淨撕成小朵，同樣用清水浸泡直至煲煮。
2) 生熟薏米用熱水浸洗、柿餅稍稍洗去白霜(圖1)，用暖水浸軟身後再切成條狀備用 。
3) 煲滾水約8碗 (加入薑片)，先放進薏米和馬蹄粒煲煮30分鐘 (又或者煮至薏米熟稔)。*薑片可以除去馬蹄寒涼性質，如本身體質可以承受寒涼食物，可省去*
4) 下柿餅條和冰糖再煮10分鐘。
5) 最後加入鮮百合煮3分鐘，再熄火焗3分鐘左右即成 (圖2)。
感謝 hungcnine 提供以上資料
hungcnine 的網誌: http://hungcnine.mysinablog.com/index.php
